मुख्य समाचार

‘रक्षामन्त्रीको कालापानी अवलोकन गर्न गएको कि तिर्थयात्रा गर्न ?’- गगन थापा

‘रक्षामन्त्रीको कालापानी अवलोकन गर्न गएको कि तिर्थयात्रा गर्न ?’- गगन थापा

नेपाली कांग्रेसका नेता गगनकुमार थापाले भारतको हस्तक्षेप, अति’क्रमणको बिरोध गरेका छन्। उनले भारतलाई हाम्रो भूमि एकइन्चपनि तलमाथि भयो भने नेपालले छाड्नेवाला छैन भनेर प्रष्टसँग भन्नुपर्ने बताएका छन्।

‘केही समय अगाडि रक्षामन्त्री ज्यूले यो कालापानी र लिपुलेक ठाउँको अवलोकन गर्नुभएको थियो के त्यो तिर्थयात्रा थियो ? थिएन भने उहाँले सरकारलाई के बताउनुभयो र यो बीचमा सरकारले के काम गर्‍यो ?’,‘आइतबार बिहान बसेको प्रतिनिधी सभाको बैठकमा बोल्दै उनले भने, भारतले प्रष्ट भनिसक्यो हामीले हाम्रो भूभागमा बनाएका हौं। र अब संक्र’मण सकिएपछि तपाईहरुसँग छलफल गरौंला।’

उपप्रधान तथा रक्षामन्त्री ईश्वर पोखरेल र प्रदेश तथा संघीय संसद्का सांसद्हरू फागुनमा त्रिदेशीय (नेपाल, भारत र चीन) को सिमाना कालापानी, लिपुलेकको अनुगमनमा गएका थिए ।

सांसद थापाले भारतको यो दादागिरी र चीनको न्यानो सहयोगको प्रतिरोध गर्न नेपाली कांग्रेस, सिंगो नेपाली जनता तयार रहेको बताए ।

नेपाली पक्षसँग सल्लाह नै नगरी छिमेकी भारतले नेपाली भूमि लिपुलेक हुँदै चीनको तिब्बतमा रहेको धार्मिकस्थल मानसरोवर जाने सडक मार्ग खोलेको छ।

प्रतिक्रिया दिनुहोस
Pokhara-7, Masbar, Kaski Nepal