राजनीति

‘पानीजहाज’ कार्यालय खोल्ने सरकारको निर्णय, १६ जनाको दरबन्दी

‘पानीजहाज’ कार्यालय खोल्ने सरकारको निर्णय, १६ जनाको दरबन्दी

सरकारका प्रवक्ता गोकुल बाँस्कोटाले नेपाल पानीजहाज कार्यालय स्थापना गर्ने निर्णय भएको बताएका छन् । उनले कार्यालयमा उपसचिवले नेतृत्व गर्ने र १६ जनाको दरबन्दी रहने जानकारी दिए।

‘अब कागजको पानीजहाज होइन साँच्चै पानीजहाज चलाउन हामीले कार्यालय स्थापना गर्ने र कर्मचारीको दरबन्दी सिर्जना गर्ने निर्णय गरेका छौं,’ मन्त्री बाँस्कोटाले भने।

यसअघि प्रतिनिधि सभाको बैठकलाई पुस २२ गते सम्बोधन गर्दै प्रधानमन्त्री केपी शर्मा ओलीले केही समयअघि पानीजहाज चलाउँछु भन्दा कागजका पानीजहाज बनाएर उडाउने अहिले फेरि खै पानीजहाजको टिकट कहाँ पाइन्छ भनेर सोध्न थालेको आफूले सुनेको बताएका थिए।

‘कहाँ छ पानीजहाजको टिकट पाउने ठाउँ भनेर सोधेको पनि सुनें,’ प्रधानमन्त्री ओलीले भनेका थिए, ‘पहिला सम्भव छैन भन्नेलाई पनि लाग्न थाले पानीजहाज चल्ने भएछ, ढुक्क हुनुस् एकदिन पानीजहाजको टिकट पाउने काउन्टर पनि खुल्नेछ।’

यसअघि एक सार्वजनिक कार्यक्रममा प्रधानमन्त्री ओली पुस १६ गतेदेखि कोशीमा पानीजहाज चल्ने भएकाले त्यसमा यात्रा गर्न निम्तो दिएका थिए। जुुुन काम नभएपछि सामाजिक सञ्जाल र सञ्चारमाध्यममा व्यंग र आलोचना गरिएको थियो।

प्रतिक्रिया दिनुहोस
Pokhara-7, Masbar, Kaski Nepal