राजनीति

माधवकुमार नेपाललाई जन्मदिनमै धक्का, नेपाल कम्युनिस्ट पार्टी (नेकपा) खारेज

माधवकुमार नेपाललाई जन्मदिनमै धक्का, नेपाल कम्युनिस्ट पार्टी (नेकपा) खारेज

काठमाडौं – आइतबार पूर्वप्रधानमन्त्री माधवकुमार नेपालको जन्मदिन । तर उनका लागि जन्मदिन सुखद् रहन सकेन । सर्वोच्च अदालतले ऋषि कट्टेलद्वारा दायर रिटमाथि फैसला सुनाउँदै केपी शर्मा ओली र पुष्पकमल दाहाल ‘प्रचण्ड’ नेतृत्वमा निर्वाचन आयोगमा दायर गरिएको नेपाल कम्युनिस्ट पार्टी (नेकपा) को दर्ता खारेज गरिदिएको छ । यससँगै माधवकुमार नेपाललाई धक्का लागेको छ ।

उनी पछिल्लो समय प्रचण्डसँग सहकार्य गर्दै आएका थिए । प्रधानमन्त्री केपी शर्मा ओलीसँगको विवादपछि सत्तारुढ दल राजनीतिक रुपमा विभाजित भएको थियो । विभाजित दुई खेमामध्ये एउटा खेमलाई प्रधानमन्त्री ओलीले नै नेतृत्व गर्दै आएका थिए भने अर्को खेमालाई प्रचण्ड र माधवकुमार नेपालले संयुक्त रुपमा नेतृत्व गर्दै आएका थिए ।

यस्तो अवस्थामा सर्वोच्च अदालतले तत्कालीन दल नेकपा एमाले र नेकपा माओवादी केन्द्रलाई साबिककै अवस्थामा फर्काएपछि माधवकुमार नेपाल, झलनाथ खनाल लगायत प्रचण्ड–माधव पक्षको खेमामा रहेका पूर्वएमाले नेताहरुको राजनीतिक भविष्य संकटमा परेको छ । जन्मदिनकै दिन माधवकुमार नेपाललाई नमिठो धक्का लागेको हो ।

प्रतिक्रिया दिनुहोस
Pokhara-7, Masbar, Kaski Nepal
सुचना बिभाग दर्ता: १६६३/०७६/७७