समाचार

छोराले ओगटेको सम्पत्ति फिर्ता गर्न माग गर्दै बुबा-आमा मिडियामा

छोराले ओगटेको सम्पत्ति फिर्ता गर्न माग गर्दै बुबा-आमा मिडियामा

काठमाडौं – जेठो छोरा प्रेमराज श्रेष्ठले काठमाडौंमा भएको घर ओगटेकोे भन्दै बाबु आमाले सम्पत्ति फिर्ता गर्न माग गरेका छन् । बुधबार काठमाडौंमा पत्रकार सम्मलेन गर्दै पर्वत कुश्मा वडा नम्बर ५ स्थायी घर भएका बुवा हरि कुमार श्रेष्ठ र आमा कमलादेवी श्रेष्ठले छोराले घरसहित आधा सम्पत्ति रोक्का गरेर कु-टपि-ट गर्दै आएको जानकारी दिएका हुन् ।

पत्रकार सम्मलेनमा बोल्दै हरी बहादुरले सानो भयाङस्थित ७० हजार रुपैयाँ महिनाको भाडा आउने तीन तलाको घर छोराले ओगटेको बताए । उनले छोरीले इजरायल बसेर कमाएर पठाएको १ करोड ३८ लाख रुपैयाँले पैसाले घर र घडेरी किनेको जानकारी दिए । ‘छोरीको नागरिकता हामीसँग नभएकोले आमाको नाममा घर पास गरिएको हो’ उनले भने, ‘तर छोराले त्यही सम्पत्तिलाई दाबी गरेर छोरीलाई सम्पत्ति दिएको भन्दै मुद्दा दिएको छ ।’

श्रेष्ठले छोरा प्रेमराजा श्रेष्ठलाई २०५८ सालमा चिनमा एमबीबीएस अध्ययन गर्न पठाएको, ०७२ सालसम्ममा एमबीबीएस, पीएचडी सकेर नेपाल फर्किएकोे र १४ वर्षसम्म एमबीबीएसदेखि पीएचडीसम्म आफ्नो जायजेथाले पढाएको बताए ।

उनले छोराले आफूलाई मुद्दामा बाबु नाता पर्ने लेखेकोमा दुखेसो गरे । उनले भने, ‘अहिले छोराले मेरोआमा बुबा होइन भन्छ ।’ उनले छोराले आफूलाई डाक्टर भन्दै अंकलोजीमा पीएचडि गरेको र सिभिल अस्पतालमा काम गरेको सुनेको उल्लेख गरे । तर आफूहरुबीच बोलचाल नभएको पनि उनले सुनाए ।

‘यस्तो छोरालाई जन्म दिने भगवानको पनि आँखा अन्धो हुनुपर्छ ।’ उनले भनिन्, ‘भगवानले यस्तालाई जन्म दिन भन्दा ग-र्भमै तु-हियोस् र कसैलाई यस्तो छोरा नदिउन् ।

उनले तीन तलाको घरमा छोराले एकलौटी तरिकाले ओगटेको हुनाले आफूहरु आफन्तकोमा शरणार्थी भएर बस्दै आएको बताए । ‘१६ कोठाका घर भएर पनि हामी शरणार्थी भएर हिड्न परेको छ’, उनले भने । कार्यक्रममा बोल्दै आमा कमलादेवीले रातदिन दुःख गरेर छोरालाई हुर्काएको, पढाएको छोराले मुख छाड्दा मन दुखेको बताइन् ।

‘छोराले मलाई आज आमा होइन भन्दा बोली रोकिन्छ’, उनले भनिन् । छोराको लागि गरेको मैले दुख प्रमाण देखाउन परेको भन्दै आराम गर्ने बेलामा मुद्दा मामिलामा हिँड्न परेको गुनासो गरिन् । उनले छोरा–छोरीलाई हुर्काएको पनि प्रमाण हुन्छ र ? प्रतिप्रश्न गरिन् । यस्तो छोरा कसैको कोखमा जन्म नलिउन भन्दै उनले भनिन्, ‘यस्तो छोरालाई जन्म दिने भगवानको पनि आँखा अन्धो हुनुपर्छ ।’ उनले भनिन्, ‘भगवानले यस्तालाई जन्म दिन भन्दा ग-र्भमै तु-हियोस् र कसैलाई यस्तो छोरा नदिउन् ।’ न्यूज २४ नेपालमा समाचार छ ।

प्रतिक्रिया दिनुहोस
Pokhara-7, Masbar, Kaski Nepal
सुचना बिभाग दर्ता: १६६३/०७६/७७