मुख्य समाचार

ओली समूहको केन्द्रीय कमिटीमा झापाबाट मात्रै १८ जना

ओली समूहको केन्द्रीय कमिटीमा झापाबाट मात्रै १८ जना

७ पुस, प्रधानमन्त्री केपी शर्मा ओलीले सोमबार नेपाल कम्युनिस्ट पार्टी नेकपामा ५५६ जना केन्द्रीय सदस्यहरु मनोनयन गरेका गरेका छन् ।

सोमबार प्रधानमन्त्रीले नेकपाको मौजुदा ४४७ सदस्यीय केन्द्रीय कमिटीमा ५५६ जना थपेर १००३ जना पुर्‍याएका छन् । सोमबारै मनोनित गरिएकाहरुलाई पनि मंगलबारको बैठकमा उपस्थित गराइएकाले बालुवाटारमा मंगलबार बसेको बैठकमा नेताहरुको उपस्थिति धेरै देखिएको थियो ।

ओलीले केन्द्रीय कमिटीको कुल संख्या ११९९ सदस्यीय बनाएका छन् । यो कमिटीलाई पूर्णता दिनका लागि अझै १९६ जना थप्न बाँकी छ । ओलीले आफ्नो समूहमा रहेका विघटित प्रतिनिधिसभाका सांसदहरुलाई एकमुष्ट रुपमा केन्द्रीय सदस्य मनोनित गरेका छन् ।

यसैवीच, प्रधानमन्त्री ओलीको गृहजिल्ला झापाबाट मात्रै १८ जनाभन्दा बढीलाई केन्द्रीय सदस्य बनाइएको छ । प्रधानमन्त्रीको गृहजिल्लाबाट केन्द्रीय समितिमा मनोनित हुनेहरुमा हरिचरण बानियाँ, हरिचरण शिवाकोटी, प्रेम गिरी, अर्जुन राई, एलपी साँवा, मेनुका काफ्ले, दीपक कार्की, हरि राजबंशी, देवेन्द्र दाहाल, मनकुमार गौतम, एकराज कार्की, विमला विक, सुमित्रा भण्डारी, टीका बस्नेत, जसमाया गजमेर, हिरा थापा, गोपालचन्द्र बुढाथोकी र विश्व बराल लगायत छन् ।

मोरङबाट घनश्याम खतिवडा, नरेश पोखरेल, डीपी राई, हरि घिमिरे, ऋषि पोखरेल, गंगा डाँगी, मीना यादव, सत्यनारायण चौधरी, रामलाल साह लगायतका नेताहरु केन्द्रीय कमिटीमा थपिएका छन् ।

त्यसैगरी सुनसरीबाट रेवतीरमण भण्डारी र सर्वध्वज साँवा लगायतलाई केन्द्रीय सदस्य बनाइएको छ ।

प्रतिक्रिया दिनुहोस
Pokhara-7, Masbar, Kaski Nepal
सुचना बिभाग दर्ता: १६६३/०७६/७७