मुख्य समाचार

खाने तेलको मूल्य लिटरमै ५० रुपैयाँसम्म बढाइयो, सरकार माैन

खाने तेलको मूल्य लिटरमै ५० रुपैयाँसम्म बढाइयो, सरकार माैन

एक महिनाको अवधिमा तेलको भाउ प्रतिलिटर ४० देखि ५० रुपैयाँसम्मले वृद्धि भएको हो । तिहारसम्म १३० देखि १४० रुपैयाँ प्रतिलिटरमा कारोबार भएको सोयाबिन तेल १७० देखि ८० रुपैयाँ पुर्‍याइएको छ । यस्तै १६० रुपैयाँमा कारोबार भएको सनफ्लावर तेलको भाउ दुई सय रुपैयाँ भन्दामाथि पुर्‍याइएको हो ।

तोरीको तेलको मूल्य पनि कम्पनीअनुसार २० रुपैयाँभन्दा बढीले बढेको खुद्रा ब्यापारीहरुले बताएका छन् । होलसेलबाट बढेको मूल्यमा तेल आएको भनेर खुद्रा ब्यापारीलाई जानकारी गराइएको नेपाल खुद्रा ब्यापार संघका महासचिव अमुलकाजी तुलाधरले बताए ।

‘मूल्य बढेको छ भनेर नयाँ मूल्य होलसेलले पठाएका छन् तर हामीलाई कारण थाहा छैन्,’ महासचिव तुलाधरले भने ।

उपभोक्तालाई एक महिनाको बीचमै तेलको भाउ लिटरमै ५० रुपैयाँसम्मले बढेको भन्नै नसक्ने अवस्था सृजना भएको तुलाधरले बताए । महिनौंअघि उद्योगमा प्याकिङ अवस्थामा रहेका तेलको भाउ पनि ब्यापारीहरुले एक्कासी बढाएर बजारमा पठाएको तुलाधरको आरोप छ ।

तेलको अधिकतम् खुद्रा बिक्री मूल्य बढेको नदेखिने गरी होलसेलले तेलको भाउ बढाएको खुद्रा व्यापारीहरुले बताएका छन् । प्याकेटमा पुरानै मितिमा लेखिएको एमआरपी भएपनि होलसेलमा भने नयाँ मूल्य छ ।

दुगड धारा र धारा सनफ्लावरमा खुद्रालाई दिने भन्दा पनि बढीमा अधिकतम् खुद्रा मूल्य तोकिएको महासचिव आमुलकाजी तुलाधरले बताए ।

बजारमा उपभोक्तालाई खुद्रामा बिक्री गर्ने मूल्यभन्दा २० रुपैयाँसम्म बढी एमआरपी मन्त्रीको कम्पनीको तेलमा बढेको तुलाधरले बताए । बजारमा तेलेको भाउ अचाक्ली बढेपनि सरकारी अनुगमन भने शून्यप्रायः छ ।

पछिल्लो एक सातादेखि बजारमा तेलको भाउ बढेपनि अनुगमनकारी निकाय मौन बसेको उपभोक्ता अधिकारकर्मी माधव तिमिल्सिना बताउँछन् ।

‘नियमनकारी नियका नै अब त ब्यापारीका भाषा बोल्न थालेका छन्, यसैकारण उपभोक्ता ठूलो मा-रमा परे’ तिमिल्सिनाले भन्छन् ।लिटरमा ५० रुपैयाँले तेलको मूल्य बढ्दा पनि सरकार मौन बस्नु अप-राध भएको उनको भनाइ छ ।

प्रतिक्रिया दिनुहोस
Pokhara-7, Masbar, Kaski Nepal
सुचना बिभाग दर्ता: १६६३/०७६/७७