अन्तर्राष्ट्रिय

कोरोनाले पूरै परिवारको मृत्युः उनको पनि छोरा जन्मिदा बित्तिकै निधन

कोरोनाले पूरै परिवारको मृत्युः उनको पनि छोरा जन्मिदा बित्तिकै निधन

एक महिलाको पूरै परिवारको कोरोनाभाइरसका कारण मृत्यु हुँदा उनले आफ्नो अन्तिम समयमा छोरा जन्माएकी छिन् । अब त्यो परिवारमा ती नवजात बालक एकमात्र जीवित सदस्य भएक छन् ।

महिलाले कोरोनाभाइरसबाट संक्रमित भएर भेन्टिलेटरमा रहेका बेला छोरा जन्माएकी हुन् । छोरा जन्माएपछि महिलाको मृत्यु हुन पुग्यो । उनका मातापिताको पनि कोरोनाभाइरसकै कारण मृत्यु भइसकेको छ ।

घटना रुसको हो । सेन्ट पिटसबर्ग शहरकी स्वेतलाना सोरोचिन्सकाया केही समयअघि पितालाई भेट्न अस्पताल गएकी थियन् । अस्पतालमा उनका पिताको मुटुको सर्जरी गरिएको थियो । स्वेतलाना पितालाई भेट्न अस्पताल जाँदा उनी संक्रमित भएको विश्वास गरिएको छ । पितालाई भेट्न जाँदा उनी गर्भवती थिइन् ।

उता स्वेतलाना प्रसूती अस्पतालमा जाँदा उनीमा पनि कोरोनाभाइरस संक्रमण पुष्टि भयो । त्यसपछि उनलाई रुसको ठूलो संक्रामक रोगको अस्पतालमा पठाइयो । तीन दिनसम्म अस्पतालमा भर्ना रहेपछि स्वेतलानाले तय मितिभन्दा ६ हप्ता पहिले छोरालाई जन्म दिइन् । यस क्रममा स्वेतलानालाई भेन्टिलेटरमा राखिएको थियो । छोरा जन्मिएको केही घण्टापछि स्वेतलानाको पनि मृत्यु भयो ।

स्वेतलानाको मृत्युको केही दिन पहिले उनकी आमा पनि संक्रमित भएकी थिइन् । १२ नोभेम्बरमा स्वेतलानाकी ६२ वर्षकी आमाको पनि मृत्यु भएको थियो । स्वेतलानाको नवजात छोरालाई अहिले अस्पतालमै राखिएको छ ।

प्रतिक्रिया दिनुहोस
Pokhara-7, Masbar, Kaski Nepal
सुचना बिभाग दर्ता: १६६३/०७६/७७