मुख्य समाचार

कोरोना संक्रमित ट्रम्प खतरामा, कारण यस्ताे छ

कोरोना संक्रमित ट्रम्प खतरामा, कारण यस्ताे छ

विश्वकै सबैभन्दा शक्तिशाली मानिने देश अमेरिकाका सरकार प्रमुख अर्थात सम्भवतः विश्वकै सबैभन्दा शक्तिशाली व्यक्ति डोनाल्ड ट्रम्प कोरोनाभाइरसबाट संक्रमित भएका छन् । संक्रमण पुष्टि भएको भोलिपल्टै उनलाई सास फेर्न समस्या भएपछि अस्पताल भर्ना गरिएको छ । अमेरिकी अखबार न्यूयोर्क टाइम्सले विज्ञहरुलाई उद्धृत गर्दै राष्ट्रपति ट्रम्प तुलनात्मक रुपमा अधिक खतरामा रहेको बताउँदै अबको हप्ता उनको लागि सबैभन्दा जटिल हुने बताएको छ ।

ट्रम्पलाई पहिलेदेखि मुटुको समस्या छ भने ट्रम्प ७४ वर्षका छन् र ओभरवेत अर्थात सामान्यभन्दा अधिक तौल भएका छन्

ट्रम्पको उमेर, उनको तौल र उनीमा पहिलेदेखि नै रहेका स्वास्थ्य समस्याले उनको शरीरमा कोरोनाभाइरस तुलनात्मक रुपमा अधिक खतरनाक हुन सक्छ । ट्रम्प ७४ वर्षका छन् र ओभरवेत अर्थात सामान्यभन्दा अधिक तौल भएका छन् । हुन त उनलाई अत्यन्तै उत्कृष्ट स्तरका स्वास्थ्य सेवा उपलब्ध गराइएका छन् तर उनलाई कोरोनाभाइरसबाट अतिरिक्त खतरा छ किनकि उनका कैयौं ‘रिस्क फ्याक्टर’ छन् ।

ट्रम्पलाई पहिलेदेखि मुटुको समस्या छ । मुटुको समस्या र उच्च कोलेस्टेरोलका लागि ट्रम्पले औषधि पनि सेवन गर्ने गरेका छन् । गएको जूनमा जारी गरिएको ट्रम्पको स्वास्थ्य जानकारीका अनुसार ट्रम्पको तौल ११० किलो पुगेको थियो अर्थात उनी अधिक मोटोपनाको दायरामा आइसकेका थिए । ट्रम्प कोरोना संक्रमित भएपछि ह्वाइट हाउसका अधिकारीले उनीमा हल्का लक्षण भएको बताएका थिए । उनीमा हल्का ज्वरो र खोकीको लक्षण थियो ।

अमेरिकाको वान्डरबिल्ट युनिभर्सिटीका संक्रामक रोग विशेषज्ञ विलियम स्काफनरका अनुसार ट्रम्प ७४ वर्षका छन्, तौल अधिक छ र पुरुष हुन् । यी तीन फ्याक्टरका कारण उनले कोरोनाको गम्भीर संक्रमणको खतराको सामना गरिरहेका छन् । स्काफनरका अनुसार ट्रम्प अबमा केही दिन ठिक देखिन सक्छन् तर अचानक गम्भीर लक्षणले घेरिन सक्छन् ।

अस्पतालमा ट्रम्पलाई प्रेसिडेन्सियल सुइटमा उत्कृष्ट स्वास्थ्य सुविधा दिइएको छ र यहीँबाट उनले आफ्नो काम पनि जारी राख्नेछन्

शुक्रबार ट्रम्पलाई अमेरिकाको वाल्टर रीड नेशनल मिलिट्री मेडिकल सेन्टरमा भर्ना गरिएको छ । अस्पतालमा ट्रम्पलाई प्रेसिडेन्सियल सुइटमा उत्कृष्ट स्वास्थ्य सुविधा दिइएको छ र यहीँबाट उनले आफ्नो काम पनि जारी राख्नेछन् । रिपोर्टका अनुसार अझै केही दिन उनलाई यहाँ राखिनेछ र उनका कैयौं किसिमका जाँच गरिनेछ ।

ट्रम्पका डाक्टरले बताएअनुसार उनलाई भिटामिन डी, जिंक, मेलाटोनिन, फ्यामोटिडिन, एस्पाइरिन औषधि दिइएको छ । यसका साथसाथै एक्सपेरिमेन्टल एन्टिबडी पनि दिइएको छ । यसअघि बेलायतका प्रधानमन्त्री बोरिस जोनसन पनि कोरोना संक्रमणपछि गम्भीर बिरामी भएर अस्पताल भर्ना भएका थिए । अहिले भने उनी निको भइसकेका छन् ।

प्रतिक्रिया दिनुहोस
Pokhara-7, Masbar, Kaski Nepal
सुचना बिभाग दर्ता: १६६३/०७६/७७