मनोरञ्जन

योग गुरुकाे प्रेममा रहेकी सलमानकी भूमिका कहाँ हराइन् ?

योग गुरुकाे प्रेममा रहेकी सलमानकी भूमिका कहाँ हराइन् ?

बलिउड चर्चित नायक सलमान खान हुन् । उनले अभिनय गरेकाे फिल्म मध्य ‘तेरे नाम’ सबैभन्दा हिट भएको एक फिल्म हो । यस फिल्ममा नायिका भूमिका चावलाले अभिनय गरेकि थिइन् । उनले सोही फिल्मबाट भारतीय सिने क्षेत्रमा डेब्यु गरेकी थिइन् ।

हालै उनी फिल्मी क्षेत्रबाट निकै टाढा रहेकि छिन् । उनले विवाह गरिसकेकी छिन् र उनकाे छाेरा समेत छन् । भूमिका ६ वर्षको छोरासँग देखिएकी थिइन् । उनलाई मुम्बईको एक थिएटरबाहिर देखिएको थियो।

यो अवस्थामा उनले ब्याक टप र जीन्स पाइन्ट लगाएकी थिइन् । ४१ वर्षीया नायिकाले मोडलिङबाट आफ्नो करियर शुरु गरेकी थिइन् । उनले हिन्दीमात्र नभई तेलुगु, तामिल, मलयालम, कन्नड, भोजपुरी र पञ्जाबी फिल्ममा पनि काम गरेकी थिइन् ।

उनले सन् २००१ आएको ‘कुशी’ फिल्मका लागि उनले फेयर बेस्ट एक्टरको अवार्ड जितेकी थिइन् । पञ्जाबी परिवारमा जन्मेकी भूमिकाको पहिलो फिल्म युभाकुडु थियो ।

सन् २००४ मा उनले अभिषेक बच्चनको ‘रन’ फिल्ममा काम गरेकी थिइन् । तर, यो फिल्मले बक्सअफिसमा खासै प्रभाव जमाउन सकेको थिएन ।

त्यसपछि उनले सलमान खानसँगै ‘दिल जो भी कहे’ र ‘सिलसिले’मा पनि उनले अभिनयको मौका पाएकी थिइन् । तर, दुवै फिल्म फ्लप भएका थिए । त्यसपछि उनले आफ्नो दिशा तेलुगु फिल्ममा मोडेकी थिइन् ।

भूमिका फिल्ममा आउनुभन्दा पहिला योग सिकिरहेकी थिइन् । यसै क्रममा उनको योगा सिकाउने गुरुसँग नै प्रेम बसेको थियो । करीब ४ वर्षको प्रेम सम्बन्धपछि उनीहरुको विवाह भएको थियो । सन् २०१४ मा उनीहरुको एक छोरा जन्मिएको थियो । तयसपछि भने उनी गुमनाम नै छिन् ।

प्रतिक्रिया दिनुहोस
Pokhara-7, Masbar, Kaski Nepal
सुचना बिभाग दर्ता: १६६३/०७६/७७