मनोरञ्जन

जब अक्षय कुमारले म्यासेज गरेर विद्या बालनलाई भने: आइ लभ यु !

जब अक्षय कुमारले म्यासेज गरेर विद्या बालनलाई भने: आइ लभ यु !

पछिल्लो समय अक्षय कुमार ‘हाउसफूल ४’ मा देखिएका थिए । यो कमेडी फिल्मले बक्स अफिसमा राम्रो कमाइ पनि गर्‍यो । अक्षय कुमारको फिल्म ‘लक्ष्मी बम’ रिलिजको क्रममा छ । फ्यान उनको फिल्मको प्रतीक्षामा छन् ।

अक्षय कुमारले फिल्म ‘हे बेबी’ को शूटिङका बेला रितेश देशमुखको मोबाइलबाट विद्या बालनलाई ‘आइ लभ यु’ लेखेर म्यासेज पठाएका थिए । त्यसपछि विद्याले पनि उक्त नम्बरमा मुस्कान इमोजी पठाइन् ।

त्यो म्यासेज जब रितेश र विद्याले देखे, त्यतिबेला सबै अचम्मित र हैरान भए । रितेश पनि आफ्नो मोबाइलबाट म्यासेज गएर विद्याको इमोजी रिप्लाइ देख्दा छक्क परे । एकछिन खास के भएको हो भन्ने कसैले बुझेनन् ।

पछि थाहा भयो कि, विद्याको फोन पनि उनीसँग थिएन । त्यो फोन अक्षय कुमारसँगै थियो । अक्षयले नै विद्याको नम्बरबाट म्यासेज गरेका थिए । यो केवल उनले रमाइलोका लागि गरेका थिए । पछि थाहा भएपछि सबै जना हाँसेको रितेशले बताएका छन् ।

फिल्म ‘हे बेबी’ मा अक्षय कुमार, रितेश देशमुख, फरदिन खान, विद्या बालन लगायत थिए । त्यसैले पनि शूटिङका बेला यी धेरैजसो साथै भइरहन्थे ।

रितेशले अक्षय कुमारसँग जोडिएको यो किस्सा एक अन्तर्वार्ताका क्रममा सुनाएका छन् । उनका अनुसार अक्षय कुमार आफ्नो कामलाई लिएर सेटमा गम्भीर बन्थे । तर, फुर्सद हुनासाथ रमाइलो गरिहाल्थे ।

प्रतिक्रिया दिनुहोस
Pokhara-7, Masbar, Kaski Nepal
सुचना बिभाग दर्ता: १६६३/०७६/७७