प्रवास

भारतीय सेनाबाट छिट्टै रिटार्यड हुदैँ थिए सम्बर तर सदाको लागि उतै अस्ताए

भारतीय सेनाबाट छिट्टै रिटार्यड हुदैँ थिए सम्बर तर सदाको लागि उतै अस्ताए

भारतीय सेनामा कार्यरत गोरखाका सम्बर गुरुङ छुट्टी मिलाएर गाउँ आइरहन्थे । प्रमोसन भएपछि खुसी थिए । परिवार र छिमेकीसँग रमाउँथे । तर तिनै छिमेकी र आफन्तले शुक्रबार बिहानै दु:खद खबर सुन्नुपर्‍यो । भारतीय सीमा रक्षाका क्रममा ३६ वर्षीय गुरुङको शुक्रबार बिहान निधन भएको खबर सुनेसँगै परिवार र छिमेकी विक्षिप्त छन् ।

आरुघाट गाउँपालिका–१, मान्वुस्थित माझगाउँका सम्बरले गत कात्तिकमा घर आएका बेला हवल्दार भइसकेकाले अब केही वर्षमा रिटायर्ड ‘लाइफ’ बिताउने कुरा आफन्त र छिमेकीलाई सुनाएका थिए । ‘बिहानै दु:खद खबर सुन्नुपर्‍यो,’ उनका दाजु जितबहादुर गुरुङले भने, ‘सिपाहीबाट हवल्दार भइसकेको थियो, जागिरको अवधि पनि धेरै वर्ष थिएन, यस्तो खबर सुन्नुपर्‍यो ।

सम्बरका दुई छोरी र श्रीमती काठमाडौंमा रहेको जितबहादुरले जानकारी दिए । परिवारका सदस्य र छिमेकी अहिले मृतकको अन्तिम संस्कारका लागि भारतीय सीमा क्षेत्र जाने तयारीमा छन् । ‘अन्तिम संस्कार कहाँ र कसरी गर्ने भन्ने त अलमलमै छौँ, काठमाडौमा बुहारी छिन्, भेट भएपछि यसबारे सल्लाह गर्छौं ।’

जम्मू–कश्मीरको लाइन अफ कन्ट्रोल(एलओसी) क्षेत्र नजिक शुक्रबार सवेरै पाकिस्तात तर्फबाट भएको गो लीबारीमा जम्मू–कश्मीरको रजौरी जिल्लाको नौसेरा क्षेत्रमा ख टिएका सम्बरको मृ त्यु भएको हो । हरिराम उप्रेतीले कान्तिपुरमा खबर लेखेका छन् ।

प्रतिक्रिया दिनुहोस
Pokhara-7, Masbar, Kaski Nepal
सुचना बिभाग दर्ता: १६६३/०७६/७७