समाचार

खाना खाएको फोटोको चर्चा भएपछि रबि लमिछानेले दिए स्पष्टिकरण !

खाना खाएको फोटोको चर्चा भएपछि रबि लमिछानेले दिए स्पष्टिकरण !

पत्रकार रबि लामिछाने, उनकी श्रीमती निकिता पौडेल सहित हास्यकलाकार दिपक राज गिरी, अभिनेत्री तथा निर्देशक दिपाश्री निरौला, नायिका पुजा शर्मा, अभिनेता किरण केसी, अभिनेता अनुराग कुँवर लगायत भेला भएर खाना खाएको केहि फोटो र भिडियो सामाजिक संजाल फेसबुकको स्टोरिमार्फत सार्वजनिक भएको थियो ।

उक्त फोटो तथा भिडियोमा यी सबै कलाकारले अभिनेता अनुराग कुँवरकोमा खाना खाएका थिए। र सोहि बेला खिचिएको फोटो र भिडियो केहि कलाकारमार्फत सामाजिक संजालमा सार्वजनिक भएको थियो। जसमा पत्रकार रबि लामिछाने पनि देखिएपछि अालोचना भएको थियो ।

साथै उनले केहि समय पहिले टेलिभिजन कार्यक्रममा आम जनतालाइ को’रोनाबाट बच्न संदेश समेत दिएका थिए। उनले दिएको उक्त चर्चित संदेश टिकटकमा समेत हिट भएको थियो। धेरै मानिस अरुलाई उपदेश दिनेले आफुले पनि उपदेशको पालना गर्न सक्नुपर्छ भन्दै रबिमाथि खनिएका थिए। यसबारे रवि लामिछानेले बुधवार सामाजिक सञ्जालमा एक स्ट्याटस सार्वजनिक गर्दै माफी मागेका छन्।

उनि लेख्छन्, ”खाना खाएको फोटोमा चर्चा चलेछ। पार्टी गरेको होइन, रमझमपनि होइन, सार्वजनिक स्थानमा भिड्भाड जम्मा गरेको पनि होइन। अत्यन्त सजग र सचेत हुँदै चिने जानेका साथीहरूको आग्रहमा, महत्त्वपूर्ण सल्लाह र छलफल सकेपछि घर भित्रै ६/८ जना मात्रै भएको स्थानमा पाकेको/पकाएको खाना खाएका हौ। हामीले आफ्नो घरमा कसैलाई बोलाएर भोज, भतेर वा जमघट गरेका होइनौ। काम पछि, छलफल सकिए पछिको सामान्य खाना हो,साथीले श्रद्दाले पस्केर दिएको खाना।

रमाइला साथीहरू भेट्दा र फोटो खिच्दा २ इन्ची बढी जरुर हासियो, ग’ल्ती चाहिँ आवश्यक दुरि कायम गरिएन। भएको चाहिँ यत्ति हो।अस्तिबाट संक्रमितको संख्या बढेपछी हिजो कै कार्यक्रममा आफ्नै आलो’चना गरेको छु। लकडाउनको शुरूवातका दिनमा जस्तो हो’सियार भैएन, हे’लचेक्राइ गरियो, आज बाट म त सचेत हुन्छु, तपाइ पनि सजग हुनुहोस् भनेको छु।

सायद जसलाई माया गरिन्छ उसैबाट अपेक्षा गरिन्छ त्यसैले अन्यथा पटक्कै लिएको छैन। सबै आलोचनाहरुलाई स्विकार्दै आगामी दिनमा अझै बढी जिम्मेवार, सजग र सचेत हुने प्रयास गर्नेछु।आजपनि बिहान ७ बजेदेखि साझ ७ बजेसम्म स्टुडियो भित्र थिए। काम बाट ब्रेक लिएर आजपनि साथीहरूसँगै खाना खाएको छु, तर भोज वा पार्टी गरेको छैन, होइन । धन्यवाद !”

प्रतिक्रिया दिनुहोस
Pokhara-7, Masbar, Kaski Nepal